Inrinni khan Er. Lalrinawma, Dy. Speaker, Tuikum bialtu MLA ni bawk chuan a bial chhung, Chhiahtlanga Malsawm Suzuki bultuma buatsaih Chhiahtlang Local Football Tournament kharna hun a hmanpui.
He hunah hian Er. Lalrinawma chuan, hun rei tak Chhiahtlang khawtlang-in khelmual tha neih tuma an beih hnua khelmual tharah ngei Football Tournament buatsaih a ni thei ta chu lawmawm a tih thu sawiin, infiammite tana hmunhma tha buatsaihsak zel chu sawrkarin a thiltum lian tak pakhat a ni a, thalaiten infiamna ngaihlu deuh deuh se, taksa leh rilru hrisel zawk neiin, nunkawng thalo laka inthiarfihlim zel nante hmang tura a duh thu a sawi a, Playground thara inelna hmasa ber buatsaih a nih theih nana beitu, Chhiahtlang mipuite, Sponsor-tute, NGO’s leh Football club hrang hrang inpeknaah lawmthu sawiin, hmalam pan zel tum tlat turin a chah bawk.
He hunah hian C.Lalmalsawma, Main sponsor leh C.Laltlankima, President, Chhiahtlang Football Association-te pawhin thu an sawi a ni.