Skip to content
Home » Chanchinthar » CM leh IIM-Shillong hotute inkâwm; MYC nen thawhhona thuthlung an ziak

CM leh IIM-Shillong hotute inkâwm; MYC nen thawhhona thuthlung an ziak

Chief Minister Zoramthanga chu nimin tlai khan IIM-Shillong hotute chuan Mizoram Youth Commission Chairman Dr. Vanlalṭanpuia hovin a pisaah an hmu a, nimina MYC leh IIM-Shillong-in thawhhona thuthlung an ziah chungchang an sawipui.

Chief Minister chuan an thawhhona thuthlung ziah chuan ṭhalaite hmasawnna ṭha tak a thlen ngei a beisei thu sawiin, sawrkarin ṭhalaite hmakhua a ngaih pawimawh thu te, eizawnna kawng hrang hrang an tan chhawp a, thiamna ril zawk siamsak tura hmalakna turte chu lawmawm a tih thu a sawi a ni.

Chief Minister hi IIM Shillong Director Prof. DP Goyal, Board of Governors Member Atul Kulkarni, Centre Coordinator Dr. Sanjeev K Ningombam ten an hmu a ni.

Nimin khan MYC leh IIM-Shillong-te hian MYC Office MINECO Khatlaah thawhhona thuthlung hi an ziak a, thawhhona thuthlung an ziahah chuan Mizoramin Skill Training a mamawh tak, ṭhalaite thiam zawng leh theihna kawng hmuchhuak tura, Skill Gap Research nei tura thawhhona neih te, Mizoram sawrkar hnuaia hnathawk Officer leh tualchhung ṭhalaite tana IIM Shillong-a training buatsaih te, Mizo ṭhalaite thiamna ril zawk zir tura intuai hriam nan Super 10 programme emaw buatsaiha chumi hnuaia Mizo ṭhalai 10-te IIM-a training thei tur a intuai hriamna neihpui te, Mizo ṭhalaiten skill development lama hma an sawnna kawnga MYC hmalakna a neihah IIM-Shillong hian a pui ang a, ‘Centre of Excellence’ din kawngah pawh IIM hian MYC hi a pui dawn a ni.

Leave a Reply

This site uses Akismet to reduce spam. Learn how your comment data is processed.