Skip to content
Home » Chanchinthar » TZFA-in lawmman cheng nuai khat awmna MLA Cup buatsaih dawn

TZFA-in lawmman cheng nuai khat awmna MLA Cup buatsaih dawn

Thenzawl Zone Football Association (TZFA) chuan October ni 3, 2022 aṭanga khelh ṭan turin, Serchhip Constituency huamchhunga Village Council hrang hrangte Football-a an inelna tur MLA Cup – 2022 a buatsaih dawn a, hetah hian champion team dawn turah lawmman pawisafai cheng nuai khat a tel dawn a ni.

TZFA-in he tournament atana inkaihhruaina a siamah chuan Tournament hi Loṭhazawl Football Ground, Thenzawl-a khelh tur niin, Serchhip MLA Consitutency hnuaia Village Council pakhat aṭangin Football team pakhat an tel thei ang a, Serchhip Constituency-in a huam loh TZFA hnuaia khuate chu an tel phalsak a ni dawn a, player-te mahni Vote neihna veng VC team-ah chiah an khelh/tel phal a ni a, Vote nei chinah Voters ID endik nana hman tur a ni a, August 2022 hnu lama Voters ID siam tharte chu pawm a ni dawn lo a, Vote la nei pha lote chuan mahni awmna VC leh YMA-ten an veng mi leh sa, khua leh tui an ni ngei tih hriatpuina lehkha an nei tur a ni thung a ni.

Entry Fee hi team khat tan ₹1,000/- a ni a, a tel turte chuan September ni 24, 2022 ral hma-in Entry Fee hi an pe tur a ni a, Champion team hian lawmman pawisafai ₹1,00,000 leh Trophy leh Medal an dawng ang a, Runner-up-in ₹50,000 leh Trophy leh Medal dawngin, Semi Finalist team-ten ₹5,000/- ve ve an dawng ang a, hei bakah hian Fair Play Award, Best Player leh Top Scorer lawmman siam a ni dawn bawk a ni.

Leave a Reply

This site uses Akismet to reduce spam. Learn how your comment data is processed.