Skip to content
Home » Chanchinthar » Ni 3 awh Electric Wiring zirna zofel

Ni 3 awh Electric Wiring zirna zofel

Sub-Hqrs. YMA, Serchhip hnuaia Training & Youth Affairs Committee leh Govt. Serchhip College NSS Unit EKC Cell-te ṭangkawp buatsaih, ni 3 chhung awh Electric Wiring chungchang inzirtirna chu nimin khan zawhfel a ni a, training khârna hun hi Er. Laltlanthanga, Sr. EE, P&E Department, Serchhip Division chuan a hmanpui.

Training khârna puala hun hmanah hian Er. Laltlanthanga chuan electric wiring chu hna ṭha tak, eizawn nan pawha tlak a ni a ti a, amaherawh chu electric wiring fuhlo chuan chhiatrupna a thlen theih avangin fimkhur a ṭul hle tih a sawi a, eizawn nana hmang tak tak tur chuan License neih a pawimawh thu sawiin, nei thei tura hma la a, exam-te hmachhawn turin training-a telte chu a hrilh a, tunlaiah license pawh neiloa hna thawk ve tawp ṭhin an awm chu a ṭhat loh thu a sawi bawk.

Ni 3 awh Electric Wiring zirna hun hi Thawhlehni aṭang khan neih ṭan niin, training nei tur hian YMA Sub-Hqrs. hnuaia town branch-te aṭangin mi 44-in hming an pelut a, Dr.Jonathan Lalnunsiama, Asst. Professor, Govt. Serchhip College chuan zirtirna a pe ṭhin a ni.

Leave a Reply

This site uses Akismet to reduce spam. Learn how your comment data is processed.