Skip to content
Home » Chanchinthar » Ziak leh chhiar thiam tura inzirtirna ni hmang

Ziak leh chhiar thiam tura inzirtirna ni hmang

Ni 100 chhung campaign kalpui tur hawng
Ziak leh chhiar thiam kim tura inzirtirna ni, International Literacy Day pualin nimin khan Mizoram hmun hrang hrangah hunh man a ni a, Serchhipah pawh he ni pual hian nimin khan Govt. Serchhip College Academic building Block B Room no.102-ah hun hman a ni.

He hun hi H.Lalchhan-hima, PO, NSS Unit, Govt. Serchhip College-in a kaihruai a, zirtirna petu PC Vanlalruati, Asst.Professor, Dept.of Education chuan ziak leh chhiar thiam pawi-mawhnate leh mihring nunah a ṭha zawnga a nghawng a neih theih dante a sawi a, zirlai naupangte chu lehkha-bu chhiar tam tur leh lehkha-bu ngaina turin a chah bawk.

He hun hi Govt. Ser-chhip College-a NSS Unit, Dept. of Education leh Literature Club-te ṭangkawpin an buatsaih a ni.

Aizawl-ah chuan SCERT buatsaihin SCERT Auditorium-ah hun hman a ni a, hetah hian zirlai naupangte thuziak dahkhawmna bu Take Flight: A Collection of Children’s Poems tlangzarh a nih bakah, 100 Days Reading Campaign hawn a ni bawk a, he campaign hmang hian ni 8 September – 16 December, 2022 chhung chu naupang mai bakah nu leh pa ten thu chhiar an uar lehzual theih nan hmalak a tum a, hemi atan hian Awareness Campaign leh Reading Festival-te pawh buatsaih leh tura ruahman a ni.

He hun hi Resource Development Board Vice Chairman L.Thangmawia, MLA leh Dr. Lalzirmawia Chhangte, IAS, Secretary, School Education Department-ten an hmanpui a ni.

Leave a Reply

This site uses Akismet to reduce spam. Learn how your comment data is processed.