Skip to content
Home » Chanchinthar » Sawrkar hriatpui loha in leh ram lei khap

Sawrkar hriatpui loha in leh ram lei khap

Aizawl District bawrhsap chuan Myanmar rambuai avanga Mizorama rawn raltlante chu sawrkar hriatpuina phalna lova ram leh in dinglai lei a khap.

Aizawl district bawrh-sap Dr. Lalhriatzuali Ralte chuan Ningani khan hriattirna chhuahin raltlante chu sawrkar hriatpuina lovin sumdawn bul ṭan a khap bawk a, dan phal loh sumdawnna reng reng ken luh leh zawrh khap a nih thu a tarlang bawk. Hei bakah hian Myanmar atanga lirthei ken luhte reng reng local/village level committee on Myanmar refugees-te hnenah hriattir tur a ni a ti a. Raltlante’n dan kalhin aadhaar card, voters identity card leh driving licence te an siam tur a ni lo a ti bawk.

Veng leh khawtina local/village level committee on Myanmar refugees te chu he hriattirna a tarlante hi lo bawhzui a, zawm lo an awm chuan district level committee on Myanmar refugees chairman hnena hriattir turin a chah bawk a ni.

Leave a Reply

This site uses Akismet to reduce spam. Learn how your comment data is processed.