PGCIL-in CSR Fund hmanga Serchhip District Hospital building thar sakna tur fund a pek hmanga Hospital building thar tur sakna hmun atana Bukpui ram duhtute chuan Joint Committee on Serchhip District Hospital dinin, hruaitu pawh an inruatfel nghal.
Zirtawp ni khan Joint Committee on District Hospital hi New Serchhip VC Hall-ah din a ni a, Chairman atan C.Lawmzuala, IOC Veng ruat niin, Vice Chairman-ah MJ Zakunga, Chhiahtlang; C.Lalhma-ngaihzuala, P&E Veng leh T.Vanlalhnaia, New Serchhip Venglai; Gen. Secretary-ah H.Lalrinawma, Chhiahtlang South; Jt. Secretary-ah Rualzakhuma, New Serchhip Bazar Veng; Treasurer-ah Lalfakzuala, Bukpui-te an ruat a, adviser-ah hian Chhiahtlang North & South, New Serchhip North & South leh P&E Veng VCP-te ṭheuh ruatin, Executive Committee member atan MUP, MHIP leh YMA Branch hrang hranga president-te an ruat bawk a ni.