Skip to content
Home » Chanchinthar » World Cup hmain Isak a dam hman a rinawm loh

World Cup hmain Isak a dam hman a rinawm loh

Newcastle player manto ber Alexander Isak chu a malpui hliam vangin World Cup hma chuan inkhel tura a kir leh theih rin a ni loh thu Newcastle manager Eddie Howe chuan a sawi.

Newcatle-in Real Sociedad aṭanga £60m zet senga August thlaa an lakluh, kum 23 mi, Isak hian Newcastle a zawm hnuah vawi 3 chiah a la inkhel a, a match hmasa berah Liverpool lamah goal a thun nghe nghe a ni.

September thlaa international break neih lai khan Sweden tan a fehchhuak a, training an neihnaah a malpui hi a tihliam a ni.

World Cup hi Qatar-ah November ni 20 aṭangin khelh ṭan a ni dawn a, Isak-a te ram Sweden erawh an inlan pha lo a ni.

Leave a Reply

This site uses Akismet to reduce spam. Learn how your comment data is processed.