@ Manchester United chuan kumin nipuiah Tottenham striker Harry Kane lakluh tumin an theihtawp an chhuah a, England captain kum 29 mi hian a chawr chhuahna club-ah hian contract thar a ziah tawh loh beisei a ni. (The Telegraph)

@ United hian kumin nipuia Old Trafford-a Kane hi an seng lut thei a nih chuan chawlhkar khata Spurs-a a hlawh £200,000 chu £300,000-a tihsan an tum a, England forwatd Marcus Rashford, 25, pawh thlun ngheh tumin chawlhkar khata £300,000 hlawh turin contract thar an zawrh a ni. (Sun)

@ Crystal Palace forward Wilfried Zaha chu chawlhkar khata £200,000 hlawh turin Eagles chuan contract thar an zawrh a. Kum 30 mi contract neih lai hi season tawp rualin a tawp dawn a, Arsenal, Chelsea leh Paris St-Germain-te chuan an ngaihven a ni. (Guardian)

@ AC Milan-in £35m mana an chhiar Cameroon goalkeeper Andre Onana, 27, chu Chelsea-in lakluh an tum dawn nia sawi a ni. (Goal)

@ Kumin nipuia PSG chhuahsan tura rin, Neymar, 31, chu Chelsea-in an tlithlai mek laiin, Manchester United pawhin an thlithlai ve mek bawk. (Foot Marcato)

@ Chelsea striker Pierre-Emerick Aubameyang, 33, chu Barcelona chuan Robert Lewandowski thachhang dawl tura kumin nipuia Nou Camp-a laklet leh an tum ber a ni. (Sky Sports)

@ Liverpool forward Roberto Firmino, 31, chuan tun season tawpa a contract hman zawh ruala Barcelona zawm dan a ngaihtuah a, mahse Spanish club hian Brazil international hi an ngaihven tehchiam lo. (Marca)