Deprecated: Function is_staging_site is deprecated since version 3.3.0! Use in_safe_mode instead. in /home/lahj9ae7in9c/public_html/wp-includes/functions.php on line 6078
Keini chu hmabak duhawm tak nei kan ni:MPCC President – Zothlifim
Deprecated: Function is_staging_site is deprecated since version 3.3.0! Use in_safe_mode instead. in /home/lahj9ae7in9c/public_html/wp-includes/functions.php on line 6078
Zothlifim Logo
Loading ...

MPCC president Lalsawta chuan, “Party dangten Congress hi an dingchhuak tawh dawn lo an ti ṭhin. Mahse, khu lama zawmpui nei miah lote pawhin sawrkar an tum chuan keini chu hmabak duhawm tak nei kan ni zawk,” a ti.

Nimin khan Lalsawta hi Delhi aṭangin a lo haw a, Lengpui Airport-ah Congress Party hruaitu ṭhahnem takin lo hmuakin, Congress Bhavan-ah amah lawmna hun hman zui a ni a, he hunah hian thu sawiin, Lalsawta chuan India ramah Congress kaihhruai sawrkar pianna chance a sâng hle tih sawiin, “Opposition Party lian zawng zawngin Congress kaihhruai sawrkar siam duhin hma an la a. Kum 2024-a India rama Lok Sabha inthlanpui lo awm turah Congress sawrkar a piang ngei dawn niin a lang,” a ti.

Lalsawta chuan, “Thil lian tak buaipui pakhat kan nei a, chu chu sawrkar ṭha siam hi a ni. Tunah hian Mizoram mipui zawng zawng tana hna thawktu tur sawrkar ṭha din kan tum a, kum 2023 hi kan thil tum a taka kan hlenchhuah hun tur a ni. Kan goal chu sawrkar ṭha din hi a ni. Keini chuan rilru ngai reng puin kan sawrkarna nghaktute hre rengin sawrkarna siam tumin beidawng lovin kan bei dawn a ni,” a ti.

LMC leh LC by-election-a an tih ṭhat loh chungchangah Pathian kaihhruaina kawng reng reng kawng mâm a awm ngai lo tih sawiin, “Beidawng miah lovin, kan goal, Sawrkar |ha tihhlawhtlin ngei tumin kan kal zel dawn a ni,” a ti bawk.

Treasurer Zodintluanga’n banna a thehluh chungchang sawiin, Vice President Lal Thanzara te, senior-te nen a bânna pawm tur a nih leh nih loh chungchang chu sawiho a nih tur thu leh Mizoram mipui hriata an la puan tur thu a sawi.