Pathianni khan Iga Swiatek chuan Stuttgart-ah trophy chawiin, Carlos Alcaraz pawhin Barcelona-ah trophy a chawi bawk.
Polish world number one Swiatek hian nikum final-a a hmachhawn tawh world number two Aryna Sabalenka laka straight set, 6-3, 6-4-a hnehna changin a zawnin Stuttgart-ah hian title a la ta a, kum 2015 leh 2016-a Angelique Kerber-i’n a kum zawna title a lak hnuah a kum zawna title la leh thei hmasa ber a ni a, hetihlai hian Sabalenka erawh he hmunah hian a zawna final-a \um thum a chak lohna a ni thung.
Alcaraz hian set hloh lovin, Stefanos Tsitsipas lakah straight set, 6-3, 6-4-a hnehna changin Barcelona-ah title a lak belh bawk a, hei hi Spaniard kum 19 mi tan tun season-a title pathum a lakna a ni a, Buenos Aires leh Indian Wells-ahte title a lo la tawh a ni.
Swiatek leh Alcaraz-te hi tun hnaiah hliam an neih vangin an châwl ren rawn a, an vanduai leh a nih loh chuan thla leha French Open khelh \an tura tel thei turin an rawn dam hman a, Swiatek phei chu French Open champion lai a ni nghe nghe a ni.