Mizoram Congress |halai (Mizoram Pradesh Youth Congress Committee) president atana Vice President ni lai Laltawnliana Sailo ruat a ni.
Tun hnaia MPCC hruaitu insiksawi avangin Treasurer Zodintluanga hmun ruakah Congress |halai president Dr. Lalmalsawma Nghaka ruat a ni a, Dr. Malsawma hmun ruakah hian Laltawnliana Sailo hi an ruat ve leh thung a ni.
Nimin khan Congress Bhavan Committee Room-ah thuthar thehdarhtute kawmin Laltawnliana Sailo chuan a mawhphurhna sang tak chu Pathian ṭanpuinain a hlen chhuah theih ngei a beisei tih a sawi a, hruai-tute chu a hming tumtu mai an nih thu sawiin, Zoram siamṭha turin Mizo |halai, mi thiamte penchhuak turin a sawm a, an tan Congress Party-ah hmun zau tak a awm tih a sawi bawk.
MPYCC President kal chhuak tur Dr. Lalmalsawma Nghaka pawhin party president rintlak Lalsawta leh vice president Lal Thanzara an neih thu a sawi bawk a, anni kaihhruaina hnuaiah hma an sawn zel theih a beisei thu a sawi a ni.