Mizoram Board of School Education chuan nimin khan High School Leaving Certificate (HSLC) Examination 2023 result a tichhuak a, zirlai exam hmachhawn zawng zawng (17,417) zinga 12,878-in pass-in, za-a 71.14-in an pass a, nikum khan pass percentage hi 70.64% a ni.
Nimina HSLC 2023 result tihchhuah takah hian Cynthia Lalhlupuii Shangpliang, St. Paul’s HSS Aizawl chuan mark 485 hmuin pakhatna a ni a, kuminah hian top 10-ah mi 17 an lang a, nikum lamah pawh khan top 10-ah mi 17 bawk an lo lang tawh a, kumina top 10-a lang zinga mi 14-te chu hmeichhia niin, top 10-a lang mipa pathum zinga pakhat hi hnam dang a ni bawk a ni.
Kumin HSLC examination-ah hian exam hma-chhawn zirlai 18,102 zinga 17,778 chu regular student niin, 324 chu private a exam an ni a, regular-a exam zingah 12,768 (71.82%) pass-in, private candidate 324 zingah 110 (33.95%) an pass bawk a, zirlai pass zawng zawng 12,878-te chu mipa 6,084 (71.99%) leh hmeichhia 6794 (70.40%) an ni a, pass percentage ah mipa an sang zawk a ni.
Distinction-ah zirlai 1,302 (mipa 573 leh hmeichhia 729) an pass a, I division-ah zirlai 3,488 (mipa 1,535 leh hmeichhia 1,953) an pass a, II division-ah zirlai 4,731 (mipa 2,178 leh hmeichhia 2,553) pass-in, III division-ah zirlai 3,357 (mipa 1,798 leh hmeichhia 1,559) an pass bawk a, Compartmental chance nei zirlai 62 awmin, zirlai 5,162 an fail a ni.
Zirlai exam zawng zawng pass vekna school 107 a awm a, pass awm miah lohna school 14 a awm a, Serchhip District chhungah pass vekna school 8 awmin, pass awm miah lohna school a awm lo thung a ni.
Tunhnai a HSLC examination a pass percentage zat chu – kumin (2023)-ah 71.14%, 2022-ah 70.64%, 2021-ah 82.43%, 2020-ah 68.33%, 2019-ah 67.93%, 2018-ah 76.65%, 2017-ah 72.17%, 2016-ah 71/17%, 2015-ah 68.30%, 2014-ah 67.51%, 2013-ah 58.63% leh 2012-ah 72.27% a ni.
Kuminah hian sawrkar School aṭanga exam zirlai 6579 zingah 57.71% an pass a, nikum khan 58.12% an pass a, Deficit School aṭanga zirlai exam 1317 zinga 92.18% pass-in, Aided School aṭanga exam zirlai 2684 zingah 69.26% an pass a, Lumpsum School aṭanga exam zirlai 617 zinga 65.32% an pass a, private school aṭanga exam zirlai 6581 zinga 83.50% an pass a, private candidate 324 zinga 33.95% an pass bawk.
Serchhip District bikah kuminah exam beitu (regular leh private) zirlai 1055 zingah Distinction-ah 44, First-ah 183, Second-ah 312 leh third-ah 255 an pass a, pass zawng zawng hi 776 niin, pass percetage hi 75.26% a ni a, nikum (2022) khan Serchhip District-ah zirlai exam beitu 1038 zinga 760 (D-60, I-208, II-303, III-189), 73.22% an pass a, nikum hmasa (2021) khan zirlai za-a 86.73 an pass a ni.
Serchhip District-a za-a 100 pass-na school 8 an awm a, chu’ngte chu –
- Hrangturzo High School, N.Vanlaiphai (D-0, I-12, II-9, III-8, Total-29)
- Goodwill English Academy, Serchhip (D-7, I-17, II-3, III-0, Total-27)
- Hualliana High School, Hmunṭha (D-0, I-2, II-3, III-16, Total-21)
- Millennium High School, Chhiahtlang (D-2, I-3, II-7, III-2, Total-14)
- PES, E.Lungdar (D-0, I-6, II-6, III-2,Total-14)
- Leng High School, Leng (D-0, I-4, II-3, III-7, Total-14)
- Khawbel RMSA Secondary School, Khawbel (D-0, I-2, II-2, III-9, Total-13)
- Buangpui RMSA Secondary School, Buangpui (D-0, I-0, II-0, III-2, Total-2)