Hri kai hmuh belh mi 3 awm
Nimin khan Serchhip District-ah Covid-19 hri kai mi 3 hmuh belh an ni a, nimina hri kai hmuh belhte hi E.Lungdar-ah 2 leh N.Mualchengah pakhat an ni a, heng nen hian District chhunga hri kai hmuhchhuah tawh zawng zawng chu mi 14,648 an ni tawh a. Hetihlai hian nimin vek khan hri kai enkawl dam mi 1 a awm a, hei nen hian hri kai enkawl dam tawh zawng zawng hi mi 14,600 niin, tun dinhmunah hri kai enkawl lai mi 12 an awm mek a ni.
Ṭanpuina hlân
n Serchhip Vengchung Bial Kohhran Hmeichhiate chuan kumin kumtira Bial Kohhran Hmeichhe Inkhawmpuia an thurel bawhzuiin nimin khan Shalom Special School-ah pawisafai `10,000/- an hlan a, Shalom Special School hi Serchhip District-a rualbanlo enkawlna sikul awm chhun niin, tunah hian kum 2023-2024 Session atan Admission hawn mek a ni.
Ram kâng ṭhelh
n Nizan hmasa a\anga Lengte ram kang chu nimin tlaia he thu buatsaih lai thleng khan \helh hna thawh a la ni. Chhim Veng VC chuan Lengte rama kangmei chhuak report hi nizan hmasa thimhlim khan an dawng a, nimin zing khawvar a\ang khan kang \helh tur hian mi tlawmngai engemawzat an thawkchhuak nghal a, Fire Department bakah Serchhip Police-te pawh kangmei chhuahna hmunah hian an kal a, Lengte rama Horticulture Centre of Excelence hnuai lam leh chhim lamahte kangmei hi a chhuak a, he thu buatsaih lai hian \helh mih fel la ni lo mahse hlauhawm lo tura ven a ni tawh niin thu dawn a ni.