Aizawl District Level SEDP Committee chu nimin khan Deputy Commissioner Dr. Lalhriatzuali Ralte hovin DRDO Conference Hall-ah an \hukhawm a, SEDP second Phase kalpui dan tur an sawi ho a, SEDP Second Phase hi installment hniha pek tur niin, first installment hi June thla chhunga pekfel tum a ni.
Nimin meeting-ah hian Chairman Dr Lalhriatzuali Ralte chuan SEDP Phase II hlawhtling taka kalpui a nih theih nan SEDP line Dept hnuaia Deptt hrang hrang te chu beneficiary te theihtawp chhuah pui tur leh a vil zui kawngah te thahnemngai leh zual turin a chah a, Aizawl District SEDP Committtee chu District zawng zawng zinga tithaber ni tur leh entawntlaka hmala zel turin member te a fuih nghal a ni.
SEDP Family Oriented Aizawl District a thlan tur zat chu beneficiary 16800 a ni a, hemi atan hian sum ruahman zat chu cheng vbc 84 a ni a. Pawisa hi installment hniha pek chhuah tura ruahman a ni. Second phase first installment hi June thla chhunga beneficiary te account a lut tura beisei niin Second installment hi August ni 30 hmaa lut tura beisei a ni bawk.
Village level SEDP committee ten District Level Committee a list an thehluh hun tur chu May ni 12 niin Village level committee ten a hunah tak thehluh tur a ni.
He hunah hian SEDP first Phase thlir let a ni a. Deptt hrang hrang ten SEDP sem chhuah tawha, an mahni line deptt beneficiary te an vilzui dan te report ngaihthlak niin Beneficiary tiṭhate tan lawmman siam a ni.