Mizo National Front (MNF) General Hqrs chuan nimin khan Aizawla Mizo Hnam Run-ah kum 2024-27 hruaitu an thlan tharte puan chhuahna leh MNF party independent puan cham MNF National Day vawi 58-na an hmang a, an president atan Zoramthanga, senior vice president atan Dr R Lalthangliana, vice president-ah Vanlalzawma leh Lalchhandama Ralte bakah Treasurer atan Lalruat-kima-te chu chuhtu awm lovin thlan chhuah an ni.
He hunah hian Zoramthanga chuan Mizo Nationa-lism kengkawhtu chu MNF an ni tiin, Pathian leh ram tan tia din an nih avangin hniam lai nei mahse an tho kang leh thin a ti a, Mizo hnamin zalenna nei tura an beih tanna ni an thleng chu a lawmawm takzet a ti a, an hruaitu hmasaten buaina pumpelh duh hle mahse sawrkar laipuiin inbiak a duh tawhlo tih sawiin, silai puah chhana mawhphurtu chu India sawrkar a nih thu a sawi bawk.