Election Commission of India chuan R.P. Act, 1951 hnuaia Section 126A, sub-section (1)-in thuneihna a pek tlawhchhanin April ni 19, 2024 (Zirtawpni) zing dar 7:00 atanga June ni 1, 2024 (Inrinni) tlai dar 6:30 inkar hian Exit Poll result tarlan a khap a, he khapna hian print leh electronic media zawng zawng bakah chanchin thehdarhna hmanrua hrim hrim a huam a ni.
He thupek bawhchhia-te chu pawisa chawitir emaw, kum 2 thleng lung in tantir emaw, he hremna chi hnih inkawpa hrem theih an ni. Election Commission of India chuan RP Act, 1951 hnuaia Section 126 (1) (b) tlawhchhanin inthlan zawh hun (darkar tawp ber) a ruat atanga chhiar lêt a darkar 48 chhung chu electronic media kaltlanga inthlan kaihhnawih mipui ngaihdan lâkna (Opinion Poll etc) tarlan a khap bawk.