Chawlhni zing dar 9 vela ruahsur leh thlipui thawkin a tichhiat East Lungdara Presbyterian Kohhran Pavalai Pawl intawhkhawmna tur Pandal chu nimin khan a sak hna thawh leh tan a ni.
Chawlhni tlaia Organising Committee emergency meeting chuan pandal hi a hmun ngaiah sak that leh tura thutlukna an siam angin nimin khan hnatlangin sak hna thawh tan leh nghal a ni a, nimin hnatlangah hian mi 500 vel an thawk chhuak a ni.
Kohhran Pavalai Pawl intawhkhawm hi April 12-13, 2024 chhunga neih tura ruahman a ni a, hun ruat sa anga kal thei tura pandal hi sak zawh leh hman tum a ni.
Pandal chhe ta hi mi 4,500 vel lenna tura sak zawh thawkhat tawh a ni a, thawmthat leh cheimawi chiah hmabak tawh a ni a, Hrangturzo bialtu MLA Lalmuanpuia Punte chuan nimin khan Pandal sak mek hi tlawhin, nizan khan Organising Committee hruai-tute nen an sawiho zui a ni.
Hetihlai hian Mizoram Baptist Mipa Pawl (MBMP) chuan Kohhran Pavalai Pawl-in a hun taka inkhawmpui an neih theih nana duhsakna hlânin, Pandal sak that lehna tur atan leh a tul anga hman atan Inkhawmpui Orga-nising Committee hnenah Rs.20,000/- an pe a ni.