IOCL-in revised Retail Selling Price a tihchhuah angin, Mizoram chhungah LPG 14.2 KG (Domestic) leh LPG 19 KG (Commercial) rate chu bithliah thar a ni a, FCS&CA chuan order tichhuakin he rate thar hi April 1, 2024 atanga hman tan a ni a, rate tharah chuan Mizoram pumpui (Vairengte tih loh)-ah 14.2 KG Domestic chu Rs. 955.00 a ni a, 19 Kg Commercial chu Rs.2,224.50 a ni a, 19KG XtraTeJ chu Rs.2,247.00 niin, 10 KG Composite chu Rs.688.50 a ni.

Vairengteah chuan 14.2 KG Domestic chu Rs.946.00 a ni a, 19 Kg Commercial chu Rs.2,209.50 a ni a, 19KG XtraTeJ chu 2,232.00 niin, 10 KG Composite chu Rs.678.50 a ni.

Domestic rate tarlante hi Aizawl Municipal Area leh District Hqrs.-ahte ‘home delivery’ kalpui tawh tur a nih avangin Rs.70.00 aia tam lo belh zel tur a ni a, Godown-a hralh erawh chuan Rs.33.43 zel paih thung tur a ni a, Home Delivery-a kalpui thei lo veng, point delivery kalpuinaah chuan Rs.7.53 belh zel tur a ni.

LPG Distributor tinte chawm tur khuate chu sawr-kar thupek angin a hlat zawng leh pawisa chawi belh ngai zat tarlan hmangin a chunga rate tarlan atanga chhut-chhuakin sem thin tur a ni.