Chawlhni zinga thli tleh khan Serchhip khaw chhung-ah chhiatna liantham thlen lo mahse District chhung khaw hrang hrangah chhiatna a thlen.
Hriat theih chinah Keitumah chenna In 13 bakah Biakin pahnih leh Anganwadi Centre pahnih a chhia a, Bungtlang ah chenna In 3 chhia in Chhiahtlangah chenna In 10 leh Baptist Kohhran Biakin leh District Jail quarter pakhat a chhia a, Baktawngah chenna In 12 chhiain pakhat chu a chhe vek a, Khumtungah chenna in 4 bakah Govt. High School leh Sub-Centre te a chhia a, Chhuanthar Tlangnuamah In 8 a chhia a, Hualtuah Salvation Army Biakin chhia in Ngentiang ah In pakhat a chhia a, Khawlailung ah chenna In 6 chhia in YMA Building leh Anganwadi Centre bakah PES Building a chhe bawk a, Chekawnah chenna In pakhat chhiain Hmun-zawlah in pakhat a chhia a, East Lungdarah Pavalai Pawl Intawhkhawmna tur Pandal a chhiat vek bakah chenna In 14 leh Biakin pahnih bakah Govt. Primary School a chhe bawk. Khaw hrang hranga In chhiate hi a chung leh bang chhia a ni tlangpui a, in chhe vek pakhat leh chhe nasa zual 6 vel a awm a ni.