Nimina Formula One Japanese Grand Prix-ah Max Verstappen chuan hnehna changin, Red Bull-a a team-mate Sergio Perez chu pahnihna a ni.
Nimina Japan-a intlansiakah hian lap hmasa ber an tlan tan deuh chiah tihin Daniel Ricciardo chuan Williams driver Alex Albon a lehpelhnaah an car a intai a, anmahni na lo mahse a kawng hungna siamthat ngai a awm avangin red flag zarin intlansiak pawh minute 20 vel lai tihtawp a ni a, Verstappen hian bul tan hmasa leh hnuhnung zawkah hmahruai ve vein, intlansiak pumpui a thunun a, tun season-a intlansiak 4 neih tawhah tum 3 pakhatna a nihna a ni ta a, a career-a hnehna a chan vawi 57-na niin, championship standing lamah pawh point 77 nei tawhin, amah ûmtu leh a team-mate ni bawk, Perez aiin point 13-in a sâng a, Ferrari driver Charles Leclerc awmin, point 59 a nei a ni.
Japanese GP result:
1 Max Verstappen Red Bull
2 Sergio Pérez Red Bull
3 Lando Norris McLaren
4 Carlos Sainz Jr. Ferrari
5 Fernando Alonso Aston Martin
6 Oscar Piastri McLaren
7 Lewis Hamilton Mercedes
8 Charles Leclerc Ferrari
9 George Russell Mercedes
10 Yuki Tsunoda RB-Honda