MJA nena tangkawpa Zonet TV-in buatsaih Miss Mizoram 2024 thlanna neih zawh takah, Miss Mizoram 2024 atan Jennifer Lalrinzuali, Republic Hmar Veng, Aizawl thlan a ni a, Serchhip District aiawhtu R.Lalawmpuii chuan Beauty with a purpose (BWAP) sub-title a la.
Zirtawpni zan khan Miss Mizoram Grand Finale neih niin, 1st runners up-ah Evelyn Zachhingpuii, Saikhamakawn leh 2nd runners up-ah Rebecca Zothanpuii, Khawzawl thlan an ni a, Miss Mizoram hian lawmman pawisafai cheng nuai 2 bakah Scooty dawngin Women and Child Development (WCD)-in Ambassador atan an hmang dawn a, 1st Runner up hian pawisafai cheng nuai 1 leh 2nd Runner up-in pawisafai cheng nuai khat an dawn bakah top 3-te hian Lash studio nen contract an ziah bakah thilpek dang an dawng a ni.
Hei bakah hian Finalist-ten Rs.10,000 theuh dawngin, Sub title la-ten sash, gift leh Pawisa fai Rs.10,000/- an dawn belh bawk a, Top Ten-a lut-ten Rs.15,000 an dawng bawk a, Top 5 chinten Rs.25,000 an dawng a, hei hian Top 3 a huam lo a ni.
Miss Mizoram Sub titles latute:
- Miss Congeniality – Jennifer Zothanzuali, Lunglei
- Miss Beautiful Skin – Lalrinhlui, Champhai
- Beauty with a purpose (BWAP) – R. Vanlalawmpuii, Serchhip
- People’s Choice – Lalhmingsangi, Kolasib
- Miss Talented – M. Lalrinchhani, Siaha
- Miss Personality & Miss Body Beautiful-Evelyn Zachhingpuii, Saikhamakawn
- Miss Active – Judith Lalramengmawii, ITI Veng
- Miss Photogenic & Miss Ramp Walk – Jennifer Lalrinzuali Renthlei, Republic Veng, Aizawl