Chelsea defender Thiago Silva chu tun season tawpah a chhuak dawn.
Kum 2020-a Paris St-Germain atanga free transfer-a Blues zawmtu Brazilian Silva hian Chelsea tan match 151 khel hmanin, trophy pathum a chawi hman a, trophy a chawi zingah hian 2020-21 Champions League pawh a tel a ni.
Kum 39 mi, Silva chuan Chelsea a hmangaihna chu ‘sawifiah theih a ni lo’ tiin a sawi a, Chelsea mangtha har a tih thu pawh a sawi a, hetihlai hian Blue a nih reng tur thu a sawi a ni.
Silva hian Frank Lampard-a’n Chelsea a enkawl lai khan a lut a, Thomas Tuchel, Graham Potter leh Mauricio Pochettino-te hnuaiah a khel hman vek a, tun season-ah Chelsea tan competition hrang hrangah match 34 khelin, Premier League-ah match 25-ah a start a ni.
AC Milan centre-back hlui hian an ram, Brazil tan match 113 a khel tawh a, nakinah Stamford Bridge-ah hrang dang thawk tura a kir leh a la beisei thu a sawi a ni.