Zothlifim Logo
Loading ...

Chelsea chuan tun season-a an league game hnuhnung bera Bournemouth an hmachhawn zawhah end-of-season review an buatsaih dawn a, he hunah hian an manager Mauricio Pochettino hmalam hun tur thutlukna an siam dawn a ni. (Telegraph)

@ Arsenal chuan anmahni chhuahsan tura ngaih England goalkeeper Aaron Ramsdale, 25, thlaktu tur an zawnnaah an keeper hlui Wojciech Szczesny, 34, bakah Brighton English stopper Jason Steele leh Ajax German goalkeeper Diant Ramaj-te an melh mek. (Standard)

@ Arsenal chuan kumin nipuiah Everton England goalkeeper Jordan Pickford, 30, pawh lakluh an tum. (Teamtalk)

@ Gunners hian an manager Mikel Arteta squad thuam \hat an tumnaah defender, midfielder leh forward pawh lakluh an tum. (Standard)

@ Arsenal hian forward thar an lalut thei a nih chuan kumin nipuiah England striker Eddie Nketiah, 24, hralh turin an inbuatsaih. (90min)

@ Graham Potter chuan Ajax head coach nih theihna chu a pawm lo. (Athletic)

@ West Ham boss thar tur Julen Lopetegui chuan a club hlui Sevilla a]anga Morocco striker Youssef En-Nesyri, 26, leh Argentina defender Marcos Acuna, 32-te lakluh a tum. (Sun)

@ Bayern Munich chuan Germany boss hlui Hansi Flick chu an manager thar atana lakluh tumin an sawiho mek a, kum 59 mi hian Thomas Tuchel thlaka a lo thawh tawh Bayern manager nih leh hi a pawi ti lo a ni. (Sky Sports Germany)