Assam Rifles Sentinel Tournament-a tel tur Football Team-ten tukin dar 6 khan Serchhip chhuahsan.
Assam Rifles-in kum tina an buatsaih thin Sentinel Tournament-a tel tur thlanna hi Serchhip Sport Complex ah kumin January ni 16-24 chhung khan 42 Assam Rifles leh Serchhip District Football Association buatsaihin Mizoram Open Football Championship 2024 neih a ni a, he tournament atang hian Assam Rifles Sentinel Tournament-a tel tur football players 19 leh Team Officials 2, RL Hlupuia leh Lalnunmawia-te chuan Mizoram aiawh turin Serchhip chhuahsanin Dimapur an pan a, Tournament hi Dimapur leh Shillong-ah khelh a ni ang a, Juy ni 2 atangin khelh tan a ni ang.
He tournament-a tel turte fuihna hun hi nimin khan Zomuana Hnamte, President, Serchhip District Football Association hoin hman a ni a, kawng engkimah Mizote hming tithatu ni turin player leh official-te a chah a, hlawhtlinna sâng ber chang ngei turin duhsakna a hlan nghal bawk.