Thupek chhuah ṭha taka bawhzui nise

April ni 25 khan Serchhip District Addl. District Magistrate chuan
Vawk hri leng chungchangah mipui himna turin thupek a tichhuak a, a
thupek tihchhuahah chuan Ran talh tur reng rengin Veterinary Officer
hnen aṭangin ran hrisel leh ei tlak ngei a ni tih lantirna Certificate
an nei ngei ngei tur a ni, tih a tel a ni.

District Magistrate te hian tunhma lamin thupek hrang hrang an lo
chhuah fo tawh ṭhin a, amaherawhchu thupek an chhuah tam takte hi
bawhzui ṭhat a ni tawklo fo ṭhin a, chuvangin District Magistrate
thupek chhuah tam tak hi mipuiten an zâwm ṭha tawklo fo ṭhin a ni.

Thupek zâwmtu tur mipuiten ṭha taka thupek te an zawm theih nan an
thupek chhuahin zawm a hlawh ṭha tawk em tih hi vil ngun ṭhin se, tin,
thupek chhuah a taka kengkawhtu tur lam te pawhin an hna ṭha takin
thawk se, chutiang ni lova, thupek ṭha tak chhuaha bawhzui ṭhat loh
bakah thupek zawm lo leh bawhchhia pawh hrem an nih ṭhin leh si loh
chuan thupek chhuah hian awmzia a nei thui lo ṭhin khawp ang.