Kan khawpui chhungah thingpui dawr leh hotel a awm ta nual a, heng thingpui dawr leh hotel te hi ṭhenkhat an thianghlim viau laiin ṭhenkhat erawh an hmun hma a ṭawp hle thung a, an thilsiam chungchangah pawh an intihthianghlim hleih hle-in a rinawm a, dawr ṭhenkhat phei chuan eng natna nge kan ei tel ang tih hlauhawm khawpa ṭawp te pawh a awm thei hial a, chuvangin kan rama ei leh in siamna leh zawrhna te hi uluk taka vil a hun tawh hle tih a tilang chiang hle a ni.
Tunah chuan ram state khawpui berah pawh mipuite tana ei leh in siamna leh zawrhna te endikna mumal a awm lova, chuvangin ei leh in siamna leh zawrhna hmunah te an duh duh angin mipuite ei tur an siam a, henga an thil siam te hi a thianghlim leh thianghlim loh te, taksa tana thil pawi thei a awm em tih te hriatpui an ni lova, tuna kan kal dan hi mipui te tan a him lo hle a ni.
State Capital bakah District Hqrs-ah te tal hi chuan mipuite ei leh in siamna hmun leh zawrh chhuahna dawra mi te hi a thianghlim leh thianghlim loh viltu tur hi dah ni thei tawh se a a ṭha khawp mai.