Skip to content
Home » Chanchinthar » Hmasawnna nei turin mipui lam pawhin tihtur kan nei ve

Hmasawnna nei turin mipui lam pawhin tihtur kan nei ve

Kan sawrkar zarah Serchhip khawpui chuan hmasawnna kawng kan zawh chho mek a, Serchhip hmasawnna tur atana hna thawh zawh tawh pawh hawn chhoh mek zel niin, a \hen chu hna thawh \an mek leh thawh zawh \ep tawh te a la awm nual a, chu mai bakah hna thawh \an theih mai tura tihfel tawh engemawzat leh ruahmanna siam mek te a awm zel a, heng hmasawnna tam tak hi min bialtu MLA, Chief Minister ni bawk leh kan sawrkar chak tak hmalakna rah chhuah a ni a, a khaw neitute tan chuan thil lawmawm tak a ni.
Hetihlai hian Chief Minister emaw, sawrkar lam awh nise, kan khawpui hi thuam \hat tum teh mahse a mipui lamin kan zir loh chuan tih theihloh chin an nei ve thei tho tih kan hriat a \ul a, chumi tur chuan a mipui lam tihtur chin kan nei ve tih kan hriat a \ul khawp mai.
Hmun tam takah sawrkar hmalakna mipui lamin an dipdal avang leh harsatna te an lo siamsak \hin avangin duh angin hmasawnna hna thawh chak theih loh chang a awm fo \hin a ni.
Chuvangin heng kan hmasawnna tura an ruahmanna te leh an hmachhawp te an thawhna kawngah hian anmahni lo dipdaltu ni lova, anmahni lo lungrualpui hi kan tihtur a ni a, chutih rualin a mipui leh mipui inkara inlungrual lohna a awm avangin kan hmasawnna tur atana ruahmanna awm tawh sa tam tak pawh kan chân phah thei tih kan hriat pawh a \ul a ni.

Leave a Reply

This site uses Akismet to reduce spam. Learn how your comment data is processed.