Chawlh hmang tur zirlaite tan ruahmanna nei ang

Tunah hian Zirlaiten Promotion Exam an bei mek a, thenkhat chuan an zo tawh a, zo lo pawh an la awm a, tun \uma an exam an zawh hnu hian hun engemawchen school chawlh an nei dawn a, he an chawlh hun hi tangkai taka an hman theihna turin nu leh paten ruahmanna siamsak a pawimawh hle a ni.
Zirlaite hi kum khat tal tawp school kalin, khuahkhirhna hnuaiah an awm a. Hemi chhung hian an duh ang leh duhzawng tam tak ti thei lova lehkha an zir a ngai a. Tuna chawlh an neih hun tur, an zirlai zir zova khuahkhirhna hnuaia awm lova, zalen taka hun an hman theih hun hi an nun atana hun pawimawh leh fimkhur ngaih hun tak a ni.
Zirlai tam tak chuan he hun, chawlh an hman chhung hun hi hmang thiam lovin an chhiatpui fo a, sual kawng zawh \anna hun atana hman phah pawh an awm fo. |henkhatte erawhin \angkai takin an hmang a, an school zirlaibua an zir telloh thil dang zirna hun leh thiamna hun atan te, school an luh leh huna an zirlai tur lo zir lawkna hun atan te, chhungte puihna hun atan te an hmang thung a, hlawk takin an chawlh hun an hmang \hin a ni.
Nu leh pa tam tak chuan an fa ten he hun hi engtinnge \angkai takin an hman ang tih ngaihtuahpui lovin he an chawlh hun hi an duh duh tih nan hmantirin, zalen takin an awmtir mai mai a, Naupang tam zawk hian anmahni chuan an tana \ha tur ngaihtuah an la thiam lova, chuvangin zirtirtu leh nu leh pa te khuahkhirhna hnuaia awm lem lova zalen taka hun an hman \hin hi hmangsualin nun kawng diklo zawh \anna hun atan an hmang fo \hin a, a tawpah a tuartu chu anmahni bakah an nu leh pa te, an chhungte an ni leh \hin.
Chuvangin naupang school chawlh hmang tur nei kan nih chuan he an school chawlh hun an hman dan tur atana ruahmanna kan siamsak thiam leh thiam lohvah kan naute hmakhua tur tam tak a innghat thei tih hria-in, kan naute, school chawlh hmang turten an school te suam tih nan ni lova, \angkai leh hlawk taka an school chawlh hun chhung an hman theih nan uluk tak leh fimkhur takin an tan ruahmanna i siamsak ang u.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram