Tuikum kawng Black Top dan kawng zawn nise

Serchhip-a loneitute thil thar chhuah tamna ber Zawlpui panna kawng chu kan bialtu MLA zahawm tak leh sawrkar hotute leh khawtlang hruaitute hmalakna-in Black Topped a ni ta a, he kawngpui \ha taka siam a ni hi Serchhip mipuite tan chuan thil lawmawm tak a ni a, helama loneitu tam tak tan an feh kalna leh hawnaa hun leh tha tam tak an sen \hin a chhawk zangkhai bakah an thil thar chhuah phurh chhuah chungchangah pawh nasa takin a chhawk zangkhai phah a, hei mai bakah hian he kawngpui \ha hian mi tam tak tan eizawnna dang engemawzat a siam thar phah bawk a ni.

Serchhip khawpui tui-a chawmtu, PHE Pump House awmna lam, Khawtetlang a\anga Tuikum panna kawngpui hi loneitu leh huan neitu engemawzatin an zawh leh veivahna atana an hman a ni a, tin, PHE Department-in Serchhip mipuite tana tui an pump-na atana chak an lakna kawngpui ber a ni bawk a, hei bakah hian Tuikum Pump House a\ang hian lui hnar lamah NLUP sum leh RKVY sum hmangin motor kawng Kms. 6 zeta thui sial belh a ni tawh a, chuvangin he kawngpui chhawrtu hi nasa takin an pun belh tawh a, hetihlai hian he kawng hi a chhe tawh hle a, Zawlpui kawng siam\hat ang hian Black Top ve nise helai kawngpui chhawrtu loneituten nasa takin hma an sawn phah ve ngei a rinawm a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram