Internet kan hman dan hi

Tunhnaiah Police chuan thuchhuah siamin, internet kaltlanga Social networking Site-Facebook, Blogger leh a dangteah Mizo ti hminghliau thei zahmawh thlalak leh video a tam thu leh hetiang titute hi hrem theih a nih avangin hetiang hi ti lo turin mitin an ngen tih a sawi a ni.

Telecom Company hrang hrangten Mobile Phone-a Internet khawih theihna Mizorama an rawn chhawp chhuah aṭang hian Mizoramah Internet hmangtu kan pung nasa hle a, Internet hi mi tam takin ṭangkai takin, eizawnna atan leh zirna atan te an hman laiin mi ṭhenkhat te erawhchuan a ṭhalo zawngin an hmang bawk a, a ṭangkai zawnga hmangtuten dinchhuah nan leh hlawhtlin nan an hman laiin a ṭhalo zawnga hmangtute erawh chuan chhiatpui nan an hmang a, anmahni mai bakah midang te tawrhna leh mualphona thlenna atan te an hmang bawk a, tin, zirlai tam tak pawhin Internet kaltlanga social networking site an khawih nasat lutuk avangin an zirna-in a tawrh phah bawk a, a pawi hle a ni.

Internet hmangtute hian mi tam takin ṭangkai taka an hman theih hi kan mamawhna zawn ṭheuhah hman ṭangkai dan kan zir a ṭul takzet a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram