Kângmei laka him zawk nan in bul tihfai a ṭul

Kumtina ṭhal khaw ro laia kan lo tawn ṭhin, kângmei chu Zoram hmun
hrang hrangah kan tuar nasa leh ta fu mai. Ram kâng leh in kâng
hriattur a awm zut mai a, nimin khan IOC Vengah ngei pawh an
kawmthlang ram a kân vangin mipui tam tak chu an in a kan mai hlau-in
an chiai hman a. Nimina kângmei chhuak aṭang khan mipui-ten zir tur
kan nei niin a lang.

Serchhip khawpui-ah hian in ṭhenkhat chu ramhnuai titih deuh nena
inṭhenawm engemawzat kan la awm a, an in bul ram a kân chuan an in a
kan kai mai hlauhawm phak in engemawzat a la awm a ni. Nimina kângmei
chhuahna lai vela awm te pawh kha hetiang dinhmuna ding hi an ni.

Hetianga ram hnaih deuha in nei leh chuktuah huan la neite hian ṭhal
khawro lai chuan an in bul vel an tihfai a ṭul hle a, an in bul ram
emaw, an chuktuah huan kâng ta se an in tana  hlauhawm phak tur a nih
chuan kangmei laka an him nan an in bul chu fai taka an enkawl a ṭul
hle a ni.