|hal lai hian kan lui tui te a kâm a, tui a tlem viau \hin a. Mahse hetih hunlai hian tui tla an awm fo mai a, chuvangin tun ang hunah hian lui dungah kan fimkhur a \ul hle tho mai.
Tun ang hun, \hal lai hian kan lui tui te a fim hle a, li thuk deuh (mihring pilna khawp) pawh lui mawng lang thei khawpin tui a fim \hin a, hei vang hian li thûk ve tak tak te pawh thûklo ang deuhin a lang a, thûklo te emaw tih a awl a, tui thiam lemlo te pawhin an pilna khawp a nih ring lovin an dai lut bawrh bawrh fo a, an chetsual phah chawk a, hetianga chesual hi mi engemawzat an awm tawh a, chuvangin tun ang hunah hian lui dung tui hi nel sual a awl tih hi kan inhrilh hriat nawn fo a \ul khawp mai.
Tin, hei bakah hian khua a lum chho a, taksa lum lai tui-a chiah vawh thut hian kan taksa a chawmawlh thut thei nia sawi a ni a, hei vang hian mi tam tak tui-ah an chetsual phah fo tawh niin sawi a ni bawk a ni.
Tunah hian Zirlai naupangten chawlh an hmang mek a, naupang \henkhat chu an nu leh pa leh puitling dang kalpui nei miah lovin lui-ah sangha te leh kaikuang man tum leh tuichen hrim hrim tumten an kal ve ngawt \hin a. hetianga naupang hlang chauha kal zingah tui tla an awm chawk bawk a ni. Chuvangin nu leh pa te hian ka fate hi an awmna chin hriat reng kan tum a \ul a, tui tlak mai theih dan leh lui tui hlauhawm dan te chiang taka kan hrilh a pawimawh khawp mai.