Zothlifim Logo
Loading ...

Khua a thal chho leh ta a, kangmei lakah kan inven fimkhur a tul leh dawn ta. Mitinten kangmei laka inven fimkhur nachang kan hriat loh chuan thil pawi tak a thleng thei a ni. Sawrkar pawhin kangmei laka fimkhur a tulzia a sawi mawlh mawlh thin. Awmze nei lova kangmei chhuak hian thil pawi tam tak a khawih thei a, thihna hial a thlen thei a ni tih kan hre ṭheuh awm e.

Kangmei chhuak hian kan chenna boruak hi a tichhe thei a, chu chuan mihring hriselna nasa takin a khawih pawi thei a, kan dam chen tura Pathianin min ruat kan dam loh phah thei hial a ni. Tin, kan ram hi a kan fo chuan lei aṭanga boruak ṭha kan hmuh tur ang hi kan hmuh loh phaha, a pawi em em bawk a ni.

Mizote chu lo neia eizawng hnam kan ni a, lo tur ni lem lo a kan fo hian ram a tichhia a, chu chuan kan eizawnna thlengin a khawih pawi thei a ni. Lo kan vat a, kan hal a nih pawhin a kang lo tur chin tam tak a kang fo thin a, a pawi takzet a ni.

Kan in leh lo te pawh kangmei laka kan venfimkhur a tul takzet a ni tih inhriain, power supply lakah te pawh fimkhur takin che ila, hei hian kangmei hlauhawm tak a chhuah thei tih hriain, khua lo ro chho zelah hian kangmei laka kan inven fimkhur hi kan tihmakmawh leh kan ngaihpawimawh tur a ni tih hi i theihnghilh lo teh ang u.