Thal a ni chho leh ta a, kângmei chhuah duh hun a thleng chho leh ṭan mek a, hmun ṭhenkhatah chuan In kâng thawm hriattur a awm leh tawh a, hetianga kângmei chhuak vanga kan ram ngaw ṭha tak tak bakah in ṭha tak tak te, a chhunga bungraw hlu tak tak a kângral ṭhin leh nunna hial chân chang a awm ṭhin hi a pawi a, chuvangin kângmei chhuak thei lakah hian kan invên uluk chhoh lehzual a ṭul leh tawh a ni.
Mizorama In kan chhan zinga puh nasat ṭhin ber chu Electric kalsual hi a niawm e, a dik pawh a dik mai thei. Mizorama in hrang hrangah hian Electric Wiring hi kan sawisa kual nasa ṭhin hle a, a tira Electric Wiring awmsa aṭang hian kan mamawhna hmun hmunah, kan thiam dan danin pawhpen kan ching a, Wire-in a zawh tawk aia nasa-ten kan pawtpeng fo ṭhin a, chuvangin hetiang aṭang hian Electrical Short kan tih ṭhin mai hi a thleng fo ṭhin reng a ni.
Nikum lam khan hetianga Electric kalsual vanga kangmei venna chikhat atan hian P&E Department lam khan in hrang hranga Electric Wiring te an endik a, khatiang khan kuminah pawh kangmei chhuak tur laka invenna chi khat atan tih ve leh ni thei se a duhawm khawp mai.