Kumtinin Green Mizoram Day-ah thing ṭiak engemawzat kan phun a, thing kan phun hun lai hi fûr lai niin, thing phun nun duh hun lai tak a ni a, ruahtui dawng ṭhatna ram, Mizoramah chuana nung ṭha duh hle a, amaherawhchu enkawl zui loh chuan ṭhal va ek châr a lo thlenin heng kan thingphun ṭhenkhat hi kângmei vang leh chhan eng engemaw avangin an thi nual ṭhin a, hei vang hian Green Mizoram Day-a thing kan phun tam tawh ngaihtuahin Green Mizoram Day-a kan thing phun te hi a puitling hmuh tur a tam lo hle a ni.
Tunah hian ṭhal kan hmang chho mek a, hetiang hunah hian pawl hrang hrang leh Department hrang hrang te hian Green Mizoram Day-a kan thing phun te kha enkawl zui an ṭul hun tak a ni tih hria-in, kan thing phun te ngaihven zui thei ila a duhawm hle a, kan thing phun te tui leh leiṭha-in kan châwm zui theilo a nih pawhin kângmei chhuak palhin a kan hlum theih lohna tur tala a bul vel sâmfai emaw, engtinemawa kan enkawl zui chu a ṭul hle a ni.
Green Mizoram Day kan hman ṭhin hi hlawhtling tak tak se kan ti a nih chuan tun hi Green Mizoram Day tihhlawhtlinna atana chet kan lakna hun tur tak a ni tih i hre thar ang u.