Zothlifim Logo
Loading ...

Kum 2008-a kan buaipui luih luih, sum peipunna chi khat, ‘Chiahpuam’ an tih mai thubuai chu tun thlengin chinfel a la ni lo va, kha chiahpuamah khan mi 9000 chuang zet an inhnamhnawih nia hriat a ni a, khang lo pawh pawisa chungchanga bumna lian tak tak kan lo tawk tawh a ni.
Tunah pawh hian Online-in hetiang ang deuh Chiahpuam ang chi hi kalpui nia hriat a nih thu Police thuchhuah chuan a sawi a, mipui te pawh fimkhur turin an chah nghal a ni.
Sum peipunna awlsam, chihpuam ang chi, hun rei lote-a sum engemawzat hmuh chhuah theihna niawma tawktarh chi hian ram dangah pawh nghawng a nei fo tawh a, hman kum lawkah pawh chiahpuam ang chi avang hian West Bengal-ah pawh sawrkar a mangang a, sawrkar laipui puihna a dil hial tawh a ni.

Sum peipunna chungchangah hian harsatna engemawzat kan tawk tawh chung pawhin mi engemawzat chu awlsam taka sum peipun tumin hetiang thil hi kan la bawh huai viau zel tho mai hi chu inngaihtuah chian kan ngai hle a, hetiang taka pawisa chungchanga bum kan nuam hi kan inenfiah a hun tawh tak meuh a ni.

Sawrkarin a pung awma sum dah\hatna turin Bank leh Post Office te min siamsak a, henga dah hi a him a, hlâwk tak angin lang lo mahse sum peipunna hriatchian loha sum dah a, kan sum dah te chân vek ai chuan a hlâwk zawk tih hi mipuite hian kan hriat thar a, buma kan awm fo tawh lohna tura kan fimkhur hi a \ul tawh takzet a ni.

Tin, thiamna hmanna tur awm lutuk bawk si lo chunga awlsam taka sum lakluhna tur, dik taka kalpui bawk si sumdawnna hi khawi sumdawng company tan mah kalpui theih a ni lo tih hi mipuiten kan hriat a \ul a, sum punna \ha lutuk hmanga sum lakluh \euh \euh tum hian dai sual a awl fu \hin tih hi i hre thar \heuh ang u.