Editorial: Lockdown vanga harsatna tawkte chhawk zangkhai

Covid-19 hri leng darh zel tur chhut chah a nih theih nan Mizoram sawrkar chuan May ni 4, 2021-ah Mizoram pumah khauh zawka inkhar-khip a puang a, Aizawl leh Lunglei tih loh District dangah chuan inkhuahkhirhna hi tunah chuan thlahdul hret a ni tawh a, hetihlai hian hri hluarna Aizawl khawpuiah chuan khauh takin inkharkhipna hi kalpui a la ni mek a ni.

Hunrei tak inkharkhipna kalpui a nih avang hian mi tam tak eizawn-nain a tuar a, an chhungkaw enkawlna tura an sum lakluh ṭhin ang lalut thei lo engemawzat an awm a, harsa tak leh mangang tak tak enge-mawzat an awm awm tawh ngeiin a rinawm. Hetihlai hian sawrkar chuan mipui himna atan inkhuah-khirhna kalpui hi ṭha zawkah la ngaiin inkhuahkhirhna pawh tun thla chhung atan pawhsei a ni leh rih a ni.

Chhungkaw mangang leh harsa zuala ngaihṭhenkhatte chu an veng VLTF/LLTF-ten an nitin mamawh ṭhenkhatte pek chang nei ṭhin mahse hei hian chhungkaw tam tak manganna erawh a chhâwk pha lo hle a, chuvangin, inkhuahkhirhna khauh zawk kalpui chhunga mahni eizawnna kalpui theilo chhungkuate harsatna chhawk zangkhai dan tur hi (Tui, electric bill etc. lamah emaw tal) sawrkar hian ngaihtuahsak thei se a duhawm khawp mai.

Leave a Reply

This site uses Akismet to reduce spam. Learn how your comment data is processed.