Zothlifim Logo
Loading ...

Hripui leng vangin nikum aṭangin zirlai naupangten zirna inah zirtirna an dawng thei lova, amah-erawhchu, zirlaiten an zirna kawnga kum hloh lova an kal theih nan School hrang hrangin internet kaltlangin ‘Online Class’ an nei ṭhin a, zirna ina zirna an dawn ang tluk chuan ṭha thei lo mahse zirlai naupangte tan chuan ruahmanna ṭha tak a ni.

Hetihlai hian Mizoram hmun tam takah erawh internet ṭhat tawk loh vangin Online Class neih kawngah zirlai naupang ṭhenkhatten harsatna an tawk a, Serchhipah ngei pawh veng/hmun ṭhenkhata zirlai naupangte chuan internet ṭha an neih theih loh avangin harsatna an tawk bawk a, chhungkaw ṭhenkhatin internet connection chak ṭha an hman theih laiin a ṭhen chuan an hmang phak ve lo a, an chenna hmunin a zir loh phei chuan internet hmang hlei thei lote pawh an awm thei âwm e.

Chuvangin, zirlaiten ṭha taka ‘Online Class’ an chhim ṭheuh theihna tur hian sawrkar thuneitute emaw, khawtlang hruaitute hian anmahni huam chhungah hma la thei se, internet service provider lama internet chak ṭha zawk pe tura nawr emaw, veng hlawm khat zirlaite inṭawm tura internet connection ṭha laksak theih emaw a nih chuan zirlaite tan thil ṭha tak a ni ngei ang.