Editorial: Mipuite tana ruahmanna siam thiam a tul

Kan hriat ṭheuh angin Covid-19 hripui lengin min nghawng nasa hle a, hun danga kan khawsak ṭhin dan leh kan hnathawh ṭhin dang anga hna thawh hleih theih loh tam tak a awm a, nidanga kan khawsak phung pangngai ang leh hnathawh ṭhin dan anga kan thawh theih loh avang hian ruahmanna thar siamte pawh a ṭul fo a ni.

Tun ṭuma mipuiten electric bill chungchanga sawiselna an neih pawh hi a chhan bulpui ber chu Covid-19 hrileng avanga Department lamin an hnathawh dan pangngai anga hna an thawh theih loh vang niin an lang a, Department lam aṭanga thlir chuan an tihâwm tak an ti ngei ang.

Hetihlai hian mipui dinhmun aṭanga thlir chuan sawiselna pawh hi thil âwm tak a ni ve tho mai a, thla tina reading la a, bill siam ve ṭhin tho PHE Department chuan lockdown lai pawhin reading la-in mumal takin bill an siam thei a, hei bakah hian P&E Department-in ruahmanna a neihte mipuiten an hrethiam chiah lo niin a lang bawk a, chuvangin mipuite sawiselna pawh hi thil âwm tak chu a ni ve tho a ni.

He harsatna thlenga thil lang chiang tak ni ta chu – sawrkar hnathawkten mipuite tana hna an thawhna kawngah an thawhsak mipuite tana ruahmanna an siam thiam a ṭulzia leh an ruahmannate mipui hriatthiam tura an puanzar ṭhat a ṭulzia a tilang chiang hle a, he harsatna thleng aṭang hian sawrkar hnathawkten zir tur pawimawh tak an nei niin a lang.

Editorial: Mipuite tana ruahmanna siam thiam a tul
Tun thlaa P&E Department-in Electric Bill an siamdan chungchangah mipui aṭangin sawiselna a nasa hle a, hei vang hian Consumer Association pawhin hma an la a, hemi chungchangah hian nimin khan P&E Department lam pawhin sawifiahna an tichhuak a ni.

Kan hriat ṭheuh angin Covid-19 hripui lengin min nghawng nasa hle a, hun danga kan khawsak ṭhin dan leh kan hnathawh ṭhin dang anga hna thawh hleih theih loh tam tak a awm a, nidanga kan khawsak phung pangngai ang leh hnathawh ṭhin dan anga kan thawh theih loh avang hian ruahmanna thar siamte pawh a ṭul fo a ni.

Tun ṭuma mipuiten electric bill chungchanga sawiselna an neih pawh hi a chhan bulpui ber chu Covid-19 hrileng avanga Department lamin an hnathawh dan pangngai anga hna an thawh theih loh vang niin an lang a, Department lam aṭanga thlir chuan an tihâwm tak an ti ngei ang.

Hetihlai hian mipui dinhmun aṭanga thlir chuan sawiselna pawh hi thil âwm tak a ni ve tho mai a, thla tina reading la a, bill siam ve ṭhin tho PHE Department chuan lockdown lai pawhin reading la-in mumal takin bill an siam thei a, hei bakah hian P&E Department-in ruahmanna a neihte mipuiten an hrethiam chiah lo niin a lang bawk a, chuvangin mipuite sawiselna pawh hi thil âwm tak chu a ni ve tho a ni.

He harsatna thlenga thil lang chiang tak ni ta chu – sawrkar hnathawkten mipuite tana hna an thawhna kawngah an thawhsak mipuite tana ruahmanna an siam thiam a ṭulzia leh an ruahmannate mipui hriatthiam tura an puanzar ṭhat a ṭulzia a tilang chiang hle a, he harsatna thleng aṭang hian sawrkar hnathawkten zir tur pawimawh tak an nei niin a lang.

This site uses Akismet to reduce spam. Learn how your comment data is processed.