Zothlifim Logo
Loading ...

Rashtriya Janata Dal hotu Lalu Prasad Yadav chu an state-a assembly inthlanpui neih laia model code of conduct a bawhchhiat avangin Palamu district court, Jharkhand chuan ₹6,000/- chawi turin a hrem.

Lalu hi nimin khan Judge Satish Kumar Munda court-ah inlanin model code of conduct a bawhchhiat thu hi a pawm tih a sawi a, ngaihdam a dil nghal a ni.

Media lamin an tarlan danin Bihar chief minister hlui hi an state assembly inthlanpui, 2009 neih dawn khan campaign laiin Medininagar chu helicopter hmangin a pan a, hetah hian pilot tihsual vang nia sawiin Garhwaa buh chinna hmunah a ṭum zawk a ni. He thilah hian Lalu hi IPC section 188, 279, 290, 291, leh 34 hnuaiah thubuai siamsak a ni a, hei bakah Representation of the People Act section 127 tlawh chhanin thubuai awrhtir a ni bawk.

Hetihlai hian a kal thlak a duh vanga ram pawna zin a dilna chu CBI special court chuan June 10-ah a ngaihtuah dawn niin tarlan a ni. Kumin April 22 khan Prasad hi Jharkhand high court chuan Doranda Treasury case chungchangah bail a phalsak a, he thubuaiah hian Lalu hi Rs. vbch 139 chuang ti chingpenah puh niin thiamloh chantir a ni a, CBI court chuan kum nga tang turin a lo hrem tawh a ni.