Nimin khan Chief Election Commissioner Rajiv Kumar chuan President thlan hun tur atan July ni 18 a nih thu a puang.
Nimina CEO-in President thlanna neih tur chungchang a tihchhuahah inthlan chungchang hriattirna hi tun thla ni 15-ah tihchhuah a ni ang a, President inthlanna chuh tumte tan tun thla ni 29 thleng hun hawn a ni ang a, ni 30-ah hming thehluhte hi endik a ni ang. July ni 21 ah vote tlate chhiar a ni dawn a ni.
Kumar chuan President inthlan hi secret ballot-a neih tur a nih thusawiin, Election Commission chuan inthlanna felfai leh thianghlim nei turin hma an la tih a sawi.
Tuna President ni lai Ram Nath Kovind term hi thlaleh ni 24 khian a tawp dawn a ni.
President hi thlang thei tura tih electoral college Lok Sabha, Rajya Sabha leh State Legislative Assembly memberte bakah Union Territory aṭangin Delhi leh Puducherry Legislative Assembly member-te pawh an tel a ni.