Belgium goalkeeper Thibaut Courtois chu Real Madrid tan rawn kir leh thei dawn mahse a khupa hliam a tawrh avangin Euro 2024 a khel thei dawn ta lo.
Kum 31 mi, Courtois hian season pum deuhthaw a inkhel lo a, March thla khan a khup zai leh a ngai a, tun season tawp hma chuan Real Madrid tan a rawn kir leh thei mai thei a, mahse Belgium coach Domenico Tedesco chuan Euro 2024 khel turin a thlang ta lo a ni.
Belgium tana match 102 khel tawh Courtois chuan June leh July thlaa Germany-a tournament khelh turah hian a dam chiang hman dawn lo tih December thla khan alo sawi tawh a, Belgium coach Tedesco pawhin, “Hemi chungchangah hian engkim sawifel a ni tawh,” tiin, hetiang hunah hi chuan hliam leh thei dinhmuna ding lai inkhawngaihna lantirna hun a ni lo tih sawiin, player dinhmun thate chu an ngaih pawimawh ber a nih thu a sawi.
Real Madrid manager Carlo Ancelotti chuan Inrinni-a La Liga-a Cadiz an hmachhawn hunah Courtois hi a lo kir a beisei thu a sawi.