NLUP sum hmanga Chhingchhip-a MIFCO thei sawngbawlna khawl tuai thar lehna turah he khawl chawm turin khaw 41-a chhungkaw 2500 vel sapthei leh lakhuih thei chin tir an ni dawn a, he ruahmanna bawhzui hian NLUP Implementing Board Vice Chairman, Pu PL Thanga hovin RKVY nodal department Agriculture bakah Horticulture department, MIFCO leh Frontus aiawh ten meeting an nei.
He hmalakna bawhzui tur Implementing agency hrang hrang ten an bial chin leh an huamchhunga loneitu awm tur chungchang an ngaihtuah a, scheme hrang hrang hnuaia hmalakna te a inthuah loh nan ruahmanna siam a ni.
He scheme kalpuina tur hian RKVY sum cheng vbc 1 leh nuai 31 dah a ni a, a doletna tur chu NLUP sum atanga tum turin ruahman a ni.