Tun Pathianni khan Serchhip District MPF te chuan a rualin hmun hrang hrangah MPF Awarness Campaign Thawhhnihna an buatsaih leh a, tun ṭumah hian Hrangturzo Assembly Constituency huamchhunga khaw hrang hrang – East Lungdar, North Vanlaiphai, Khawlailung leh Mualcheng khuaa Kohhran hrang hrang Biak In-ah MPF Awarness Campaign hi an nei a, inkhawm bânah hmun tam takah inpawlkhawmna neih zui nghal a ni a, a tel ten hlawkthlak an ti thin hle tih thu kan dawng.
MPF Awarness Campaign ah hian Serchhip Town huamchhung Pastor Bial hrang hrang vawngtu Pastor leh Keiṭum leh Bungtlang Bialtu Pastor te an kal ṭhin a ni.
Serchhip District MPF te hian April ni 21 khan Lungpho Assembly Constituency huamchhung khaw hrang hrangah Awarness Campaign thawhkhatna an lo buatsaih tawh a, MPF Awarness Campaign thawhthumna hi Thenzawl, Buangpui leh Bungtlang khawchhunga Kohhran hrang hrang BiakIn ah te May ni 5, 2013 khian neih tura ruahmanna peihfel a ni leh tawh a, hemi hnu hian Serchhip, New Serchhip leh Chhiahtlang ah te MPF Awarness Campaign beihpui hi thlak leh tuma ruahmanna siam mek a ni.