Categories
Chanchinthar Mizoram Politics

Law & Judicial Deptt.-in sawi thei lo

NLUP Implementing Board Chairman-a MLA dah a ni te, Parliamentary Secretary-te enkawl nana sum sen Chief Minister-in a rulh tur a nih leh nih loh leh Minister neih theih zat bithliah aia tam neih a ni chu dan bawhchhiatna a nih leh nih loh Law & Judicial Deptt.-in an sawi thei lo tih PRISM chuan an sawi.

Hemi chungchang hi nimin khan PRISM chuan thuchhuah siama sawiin, Political Adviser to Chief Minister atana Pu Lalrinmawia Ralte ruat a ni chu Office of Profit kalh a nih loh thu an zawhna chhangin Law Deptt. chuan an sawi, an ti a. Hetihlai hian NLUP Implementing Board Chairman-a Pu JH Rothuama MLA dah a ni chu Office of Profit kalh a nih loh thu Law Dept.-in an sawi thei lo thung a, Parliamentary Secretary-te enkawl nana sum sen Chief Minister-in a rulh tur a nih leh nih loh an chhang thei lo a, Minister 12 leh Minister of State rank 2 a vaia Minister 14 neih a ni chu ram Danpui bawhchhiatna a nih loh thu an sawi thei lo bawk a. Hetiang a nih avang hian Dan phal bak Minister hi Mizoram hian a nei ngei nia a lan thu an sawi a ni.

By Editor

C.Lalrochhuanga,
New Serchhip, Serchhip - 796181
Mizoram
Contact: WhatsApp | Phone Call | Telegram