Mara Autonomous District Council (MADC) din champha vawi 40-na nimin
khan Saiha ah lawm a ni a, a lawmna inkhawm, District Playground-a
neihah MADC CEM Pu RT. Zachono chuan MADC puanzar pawtpharh a, hemi
hnu hian thuchah sawiin, ram leh hnam dinhmun sang zawk a dah a nih
theih na tura hma nasa taka lo latu Mara Freedom Party hruaitute
hnenah MADC chuan duhsakna theih ang tawka lantir a tum thu a sawi a
ni.
MADC chairman Pu Hiphei a pawhin thusawiin, he ni hi Independent
hmuhna Ni tluk a ni a ti a, Autonomous District Council an neih
theihna tura MFP hruaitute zinga a tel vena atanga an hmalakna
\henkhat a tarlang bawk.
He hunah hian hnam lam entirin Zaipawl leh Malzai te ngaihthlak a ni
a, District Council Staff bakah Zirlai te leh Kohhran, NGO leh
Official dang \hahnem tak an tel a ni.
Lai Autonomous District Council Day pawh LADC Complex ah lawm a ni a,
LADC Day lawmna hi hmun hnih a neih niin, LADC Sawrkara mipawimawh te
leh Staff bakah Zirlai Naupang sawmbik te leh mipawimawh dang ten Pu
C.Zoramthanga kaihhruaiin an hmang a, he hun ah hian Chief Executive
Member Pu C.Ngunlianchunga chuan Council hran neih a nih avangin
Laifaten malsawm tamtak an dawn thu leh chung malsawmna te chu ram leh
hnam tan, midang tan nasa zawka a tangkai theih nan hnathawktute chu
tan la zual turin a chah a, mahni nihna zahpui leh ngainep hnam,
dingchhuak an awm ngailo a, Lai Hnam vangin LADC a awm a, mahni
hnamzia rang vawnhim kawngah pawh tanlak nasat deuh deuh a tul a ni a
ti.
He hunah hian CEM chuan World Vision India, Chhimtuipui Area
Development Programme hmalakna, LADC Sorkar in tha a tih vanga
Chawimawina thuziak chu Project Manager Pu Maren Nampui hnenah a hlan
bakah LADC Sorkar hnuaia Industry Department in Lai Dress Exhibition a
siam a hawng nghal bawk.
LADC Day lawm nan hianSSA, BRC Hall ah Blood Donation Camp neih ni
bawk a, hetah hian athlawnin Thisen Unit 34 pek a ni a, thisen petute
hi Mipa 32 leh Hmeichhia 2 an ni a, thisen petute zingah hian LADC a
Executive Member pahnih Pu V.Zirsanga leh Pu Lalneihkhuma te pawh an
tel.