Rafael Nadal chuan Tennis a chawlhsan hmaa kum hnuhnung ber a nih theih tawh kumah hun rei tak hliam vanga a chawlh hnuin rawn kir lehin, Barcelona Open-ah hnehna nen bul a tan.
June thlaa kum 38 tling tawh tur, Nadal hian nimin khan first round-ah player langsar lo tak Italian Favio Cobolli chu 6-2, 6-3-in a hneh a ni.
Tuna ranking0a 644-na ni mek Nadal hian January thlaa hliam a neih hnua a vawi khatna atan a inkhel leh ta a, kumin hi professional player a nih kum tawpna a nih tawh mai theih thu a lo sawi tawh a, nikuma hliam vanga French Open atanga a inhnuhdawk hnuah world number one hlui hian tn season tawpa chawlh tuma ruahmanna a neih thu a lo sawi tawh bawk a, amaherawhchu Barcelona-a a rawn kir leh hma hian a chawlh hun turah ni bituk bik a neih loh thu a sawi leh a ni.
Barcelona-a tum 12 zet lo champion tawh Nadal hian kum 2022 French Open final-a a champion hnua tun tum hi clay court-a a inkhelh lehna hmasa ber a ni a, ni 681 hnuah clay court-a a inkhelh lehna hmasa ber a ni.