UDF-ten an chak loh chhan Campaign hun neih tlem vang an ti

UDF Panel Chairman, MNF Vice President ni bawk Dr.R. Lalthangliana chuan, UDF in a thlawp Pu Robert Romawia Royte chak loh chhan chu campaign hun a neih tlem vang tih a sawi.

Nimin khan UDF chuan Aizawl Press Club-ah thuthar lakhawmtute kawmin, Lok Sabha inthlan chungchang an thlirlet a, UDF candidate chuan campaign nan chawlhkar khat \ha awrh hun a neih avangin, bial hla deuh leh tlawh pawh harsatna deuh te chu Helicopter hmanga tlawh turin Pawan Hans pawh biak fel vek a nih hnu leh, Hire na man pawh sum pek vek a nih hnu in, thil ti thei ten, a kal dawn hma zanin an cancel tir leh thut niin a sawi a, Helicopter hmang tal hian tlawh se chuan vote tam tak a hmuh belh ngei a rin thu a sawi bawk.

Khawpui leh District Headquarters \henkhatah, a bikin Aizawl-a Bial 11-ah UDF a chak vek a. Hei hian a entir chu, NLUP hmanga invauna leh chaw chah avanga Congress vote-na hi thingtlang, retheihna a zualna apiangah a hluar a. Tunhmaa Chhimtuipui District \hin huam chhungah, a bik takin Tuichawng (Chakma Autonomous District Council) leh hmun kilkhawr lamah Congress vote tu an tam hle a, heng ho zingah pawh hian harh tharna a thlen ve thuai a beisei awm an ti a, sawrkar thar din hlim hlawt-a MLA Bial 19-a chakna UDF candidate-in a chang chu lawmawm an ti tih an sawi.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram