Pathianni zana Premier League inkhel hmuhnawm takah Manchester City chu an khelmualah an mikhual Arsenal lakah 0-2-in an tlâwm.He inkhelah hian mualneitu City-in inkhel thunun viau mahse a pawimawhber goal an khung thei lova, Arsenal hi bet deuh zawk mahse an manager-in fing takin an game khelh dan tur a duang tih a chiang a, counter attack-ah an hlauhawmin vawi tamtak City tlar hnung an chhaih buai a ni.
Inkhel \an phat a\angin inkhel a hmuhnawm nghal hle a, City-in game thunun viau mahse Arsenal player te an inringtawk a, an game a mawi dunin an innawr tawn zak zak a, minute 24 naah Monreal chu City captain Kompany chuan titluin penalty an chawi a, Arsenal midfielder Santi Cazorla chu rawn pen chhuakin tun season-a a goal 6 thunna ni turin goal-ah a chantir a, Giroud chuan minute 67 naah Arsenal goal hnihna thunin hun tawp thlengin goal dang a luh belh lova, Arsenal hian table-ah Tottenham zuan khumin 5-naah an invawrh chho a, chak zo ta lo City erawhin khelh zat inangah Chelsea chu point 5 laiin an thlau zui bawk a ni.
City an chak loh avang hian game 12 hneh loh tawng lova an kal tluang lai chu a tawp zui ta bawk a, Arsenal hi kum 2010 October thla hnu lama Manchester City khelmuala an chak leh hmasak berna a ni bawk.
Premier league inkhel hmuh-nawm takah City an khel that rualin Arsenal an khel tha zawk niin a lang a, an tum dan taka khel chhuak theiin hnehna an chang kan ti thei awm e.
Manchester City hi chak zo lo mahse game erawh an thunun zawk a, 65% lai ball changin Arsenal hian 35% chiah an chang thung a, City hian goal shot vawi 12 neiin goal zawn ah vawi 4 chiah an pet a, Arsenal lam hian goal shot vawi 9 neiin goal zawnah vawi 3 an pet a, City hian corner \um 16 zet hmuin Arsenal hian vawi 3 chiah an hmu thung a ni.
Inkhel dangah Westham United chuan Hull City chu an khelmualah 3-0-in an lo hneh bawk a, West Ham tan hian Carroll, Amalfitano leh Downing ten goal khat \heuh an khung a ni.